ഇന്നത്തെ ചിന്താ വിഷയം

ഈശ്വരനുണ്ടോ ഇല്ലയോ എന്നത് സുഹൃദ് സംഭാഷന്ങ്ങള്‍ക്കിടയില്‍ ഒരു തര്‍ക്ക വിഷയമാവാരുണ്ട് .എന്താണ് സത്യം? ഈശ്വരനുണ്ടെങ്കില്‍ എവിടെയാണ് അദ്ദേഹം സ്ഥിതിചെയ്യുന്നത് ? എങ്ങിനെയാണ് അദ്ദേഹത്തിന്റെ സാന്നിദ്ധ്യം അനുഭവപ്പെടുക ?
ഏതോ ഒരു അദൃശ്യ ശക്തി നമ്മെ ചൂഴ്ന്നു നില്‍ക്കുന്നു എന്ന കാര്യം നിസ്തര്‍ക്കമാണ്. ചില അപകടങ്ങളില്‍ നിന്നുമൊക്കെയുള്ള അത്ഭുതാവഹമായ രക്ഷപെടലുകള്‍ തുടങ്ങി ആ അദൃശ്യ സാന്നിദ്ധ്യം നമുക്ക് അനുഭവവേയ്ധ്യമാക്കി തരുന്ന ഒട്ടേറെ കാര്യങ്ങള്‍ ചൂണ്ടിക്കാണിക്കാന്‍ കഴിയും.
ഏതെങ്കിലും ദേവാലയ അന്തരീക്ഷത്തില്‍ എത്തിപ്പെട്ടാല്‍ നമുക്ക് അനുഭവപ്പെടുന്ന ആത്മനിര്‍വൃതി മാത്രം മതി ആ
അദൃശ്യ കരങ്ങളുടെ തലോടല്‍ അടുത്തറിയുവാന്‍.
ഒരുപക്ഷെ നാരായണ ഗുരു സ്വാമികള്‍ അരുളിച്ചെയ്തതുപോലെ നമ്മള്‍ നമ്മോടു തന്നെയായിരിക്കും സംവദിക്കുന്നത് .ഞങ്ങള്‍ക്ക് നല്ലത് വരുത്തണേ, അല്ലെങ്കില്‍ കഷ്ടപ്പാടുകളൊക്കെ തീര്‍ത്തു തരണേ എന്നൊക്കെ പ്രാര്‍ത്ഥിക്കുമ്പോള്‍ ഒരു പക്ഷെ നമ്മുടെതന്നെ മനസ്സിനെ ഉണര്തുകയായിരിക്കും നമ്മള്‍ ചെയ്യുന്നത്.
നമ്മിലെ ദൈവികത്വം എങ്ങിനെ നമ്മുടെ സഹജീവികള്‍ക്ക് പ്രയോജനപ്പെടുത്താം എന്നതാവട്ടെ ഇന്നത്തെ ചിന്താവിഷയം .ഒന്ന് മനസ്സുവച്ചുകഴിഞ്ഞാല്‍ പാതയോരത്ത് മൃത പ്രായനായ് കിടക്കുന്ന ഒരു വ്യക്തിയെ നമുക്ക് ആതുരാലയത്തില്‍ എത്തിക്കാം. ചികിത്സക്കും വിദ്യാഭ്യാസത്തിനുമൊക്കെ വിഷമിക്കുന്ന സഹജീവികളെ സൌഹൃദ കൂട്ടായ്മകളിലൂടെ പണം സമാഹരിച്ചു സഹായിക്കാം .അതുപോലെ മറ്റു പല നല്ല കാര്യങ്ങളും ചെയ്യാം .ഇവിടെ നാം വീണ്ടും ഈശ്വര സാന്നിദ്ധ്യം അറിയുന്നു.
മാനവ സേവ തന്നെയാണ് മാധവസേവയെന്നു നാം അറിയുന്നു !!!!!
ചന്ദ്രു.